This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

1187   பொதுப்பாடல்கள் திருப்புகழ் ( - வாரியார் # 1066 )
மாடமதிட் சுற்று
முன் திருப்புகழ்   அடுத்த திருப்புகழ்

தானதனத் தத்த தத்த தத்தன      தானதனத் தத்த தத்த தத்தன           தானதனத் தத்த தத்த தத்தன ...... தனதான

மாடமதிட் சுற்று மொக்க வைத்திட      வீடுகனக் கத்த னத்தி லச்சுறு           மாலிபமொத் துப்ர புத்த னத்தினி ...... லடைவாக மாதர்பெருக் கத்த ருக்க மற்றவர்      சூழவிருக் கத்த ரிக்க இப்படி           வாழ்க்கையில்மத் தப்ர மத்த சித்திகொள் ...... கடைநாளிற் பாடையினிற் கட்டி விட்டு நட்டவர்      கூடஅரற் றிப்பு டைத்து றுப்புள           பாவையெடுத் துத்த ழற்கி ரைப்பட ...... விடலாய பாடுதொலைத் துக்க ழிக்க அக்ருபை      தேடுமெனைத் தற்பு ரக்க வுற்றிரு           பாதுகையைப் பற்றி நிற்க வைத்தெனை ...... யருளாதோ ஆடகவெற் பைப்பெ ருத்த மத்தென      நாகவடத் தைப்பி ணித்து ரத்தம           ரார்கள்பிடித் துத்தி ரித்தி டப்புகை ...... யனலாக ஆழிகொதித் துக்க தற்றி விட்டிமை      யோர்களொளிக் கக்க ளித்த உக்கிர           ஆலவிடத் தைத்த ரித்த அற்புதர் ...... குமரேசா வேடர்சிறுக் கிக்கி லச்சை யற்றெழு      பாரும்வெறுத் துச்சி ரிப்ப நட்பொடு           வேளையெனப் புக்கு நிற்கும் வித்தக ...... இளையோனே வேகமிகுத் துக்க திக்கும் விக்ரம      சூரர்சிரத் தைத்து ணித்த டக்குதல்           வீரமெனத் தத்து வத்து மெச்சிய ...... பெருமாளே.

Easy Version: மாடம் மதிள் சுற்றும் ஒக்க வைத்திட வீடு கனக்கத் தனத்தில் அச்சுறும் மால் இபம் ஒத்து ப்ரபுத் தனத்தினில் அடைவாக மாதர் பெருக்கத் தருக்கம் அற்றவர் சூழ இருக்கத் தரிக்க இப்படி வாழ்கையில் மத்தப் ப்ரமத்த சித்தி கொள் கடை நாளில் பாடையினில் கட்டி விட்டு நட்டவர் கூட அரற்றிப் புடைத்து உறுப்பு(ள்)ள பாவை எடுத்துத் தழற்கு இரைப்பட விடல் ஆய பாடு தொலைத்துக் கழிக்க அக்ருபை தேடும் எனைத் தன் புரக்க உற்ற இரு பாதுகையைப் பற்றி நிற்க வைத்து எனை அருளாதோ ஆடக வெற்பைப் பெருத்த மத்து என நாக வடத்தைப் பிணித்து உரத்து அமரார்கள் பிடித்துத் திரித்திட புகை அனலாக ஆழி கொதித்துக் கதற்றி விட்டு இமையோர்கள் ஒளிக்கக் களித்த உக்கிர ஆல விடத்தைத் தரித்த அற்புதர் குமரேசா வேட(ர்) சிறுக்கிக்கு லச்சை அற்று எழு பாரும் வெறுத்துச் சிரிப்ப நட்பொடு வேளை எனப் புக்கு நிற்கும் வித்தக இளையோனே வேகம் மிகுத்துக் கதிக்கும் விக்ரம சூரர் சிரத்தைத் துணித்து அடக்குதல் வீரம் எனத் தத்துவத்து மெச்சிய பெருமாளே.

Add (additional) Audio/Video Link

1187 - மாடமதிட் சுற்று (பொதுப்பாடல்கள்)

தானதனத் தத்த தத்த தத்தன
     தானதனத் தத்த தத்த தத்தன
          தானதனத் தத்த தத்த தத்தன ...... தனதான

Songs from this thalam பொதுப்பாடல்கள்

This page was last modified on Wed, 28 Feb 2024 01:04:02 -0500